თურქეთში მიმდინარე მსოფლიოს საკალთბურთო ჩემპიონატზე ჯგუფური ეტაპის მატჩები დასრულდა, ხვალიდან კი სტარტს მერვედფინალური რაუნდი აიღებს, სადაც რამდენიმე საინტერესო დაპირისპირებას ვიხილავთ.

საქართველოს რაგბის კავშირის ხელმძღვანელობამ, სპორტისა და ახალგაზრდობის საქმეთა მინისტრი ლადო ვარძელაშვილი, მისი მოადგილე დავით ნამგალაური და ჟურნალისტები, მშენებარე “შევარდენის” სანაკრებო ბაზაზე მიიწვია და მშნებლობის დათვალიერებასთან ერთად, მათ საქართველოს ეროვნული ნაკრების ახალი მთავარი მწვრთნელი, შოტლანდიელი რიჩი დიქსონი და უკანა ხაზის მწვრთნელი დონ კასკი წარუდგინა.

ჩერნოგორიის ქალაქ ბუდვაში ჩატარებული პლაჟის ჭიდაობის მსოფლიოს ჩემპიონატი ქართველი მოჭიდავეებისთვის უშედეგო გამოდგა. გასულ უქმეებზე ჩატარებული ტურნირის შედეგები ჭიდაობის საერთაშორისო ფედერაციის ვებ-გვერდს ჯერაც არ გამოუქვეყნებია, ჩემპიონატის ოფიციალური ვებ-გვერდი ხომ საერთოდ არ არსებობს და სათაურში მოყვანილი მშრალი და არც თუ სასიამოვნო ინფორმაცია მხოლოდ საქართველოს ჭიდაობის ეროვნული ფედერაციიდან შევიტყვეთ

საქართველოს ძიუდოისტთა ნაკრები უკვე იაპონიაშია და 9-13 სექტემბერს ტოკიოში ჩასატარებელი მსოფლიოს ჩემპიონატისთვის ადგილზე ემზადება. ამირან ტოტიკაშვილი ტატამზე 15 შეგირდს გაიყვანს. ზაფხულში, ქართულმა გუნდმა ბაკურიანის, ბორჯომის, მინსკისა და თბილისის შეკრებები გაიარა, რამდენიმე საერთაშორისო ტურნირზეც გამოვიდა და მთავარმა მწვრთნელმა წონების ორ-ორი ლიდერი დაასახელა. ტოტიკაშვილი “მსოფლიო სპორტს” ტოკიოში გამგზავრების წინ ესაუბრა.

აშშ-ს ღია პირველობაზე მე-9 ნომრად განთესილი ბელორუსი ჩოგბურთელი ვიკტორია აზარენკა მე-2 წრეში არგენტინელ ხისელა დულკოსთან 1:5-ს აგებდა, როდესაც კორტზე მოწყვეტილივით დაეცა და თამაშის გაგრძელება ვეღარ მოახერხა.
 

სანკტ-პეტერბურგში მიმდინარე რუსეთის მე-60 საჭადრაკო ჩემპიონატს კვლავაც ორი ლიდერი ჰყავს – მასპინძელი სვეტლანა მატვეევა (2379) და ქართველი ნაზი პაიკიძე (2346).
 

ლუის ჰამილტონი იმედოვნებს, რომ ერთ კვირაში იტალიის დიდ პრიზსაც მოიგებს და ამით, ფორმულა 1-ის ყველაზე ძველი და პოპულარული ოთხივე რბოლის გამარჯვებულის ტიტულს დაეუფლება. ”მაკლარენის” ბრიტანელ პილოტს ორი წლის წინ, მონაკოს და სილვერსტოუნის რბოლები აქვს მოგებული, სულ ახლახანს კი ბელგიის სპაზეც გაიმარჯვა.

ჩინეთის ქალაქ შანხაიში მიმდინარე მსოფლიოს თასის ბოლო მე-4 ეტაპი წარუმატებელი გამოდგა ქართველი მშვილდოსნებისთვის. ინდივიდუალურ კვალიფიკაციაში ქართველთაგან ყველაზე კარგი შედეგი ქრისტინე ესებუამ აჩვენა, რომელიც 638 ქულით 24-ე გახლდათ. ხათუნა ნარიმანიძემ 627 ქულით 36-ე ადგილი დაიკავა, ასმათ დიასამიძე 618 ქულით 50-ე იყო, ხოლო ნათია ცინცაძემ 570 ქულით 83 მონაწილეს შორის 76-ე ადგილი დაიკავა და ფლეი ოფში გასულ 64 მშვილდოსანს შორის ვერ მოხვდა.