გუნდურ მსოფლიო ჩემპიონატზე საქართველოს ნაკრებმა ჯგუფური ეტაპი პირველ ადგილზე დაასრულა.
გუნდისთვის პირველი ეტაპის დასკვნით შეხვედრას სპორტული მნიშვნელობა აღარ ჰქონდა - B ჯგუფის ლიდერის სტატუსი ჩვენმა გოგონებმა ერთი ტურით ადრე გაინაღდეს.
ბოლო ტურში საფრანგეთთან მატჩში ახალგაზრდული შემადგენლობა გამოვიდა, რაც გუნდის როტაციისა და გამოცდილების გაზიარების ნაწილია. მატჩი საფრანგეთის გამარჯვებით დასრულდა - 1:3, თუმცა საქართველოს ნაკრები ჯგუფს ლიდერობს და პლეი-ოფში მთავარი ფავორიტის სტატუსით გავიდა.
ხვალ, 21 ნოემბერს, ლინარესში მსოფლიო გუნდური ჩემპიონატის ფლეი-ოფი იწყება. ერთმანეთს დაუპირისპირდებიან:
აზერბაიჯანი - საქართველო
ფიდე - უზბეკეთი
აშშ - ჩინეთი
ყაზახეთი - ინდოეთი
