„პარი სენ ჟერმენის“ ფეხბურთელმა კილიან მბაპემ განაცხადა, რომ მიმდინარე სეზონში ფრანგულ გუნდში დაასრულებს და იანვარში პარიზიდან წასვლას არ აპირებს. მან ასევე კომენტარი გააკეთა ლიონელ მესისთან ერთად თამაშზე და თქვა, რომ ეს პატივია.
„ძნელი წარმოსადგენი იყო, რომ ჩვენ ოდესმე ერთ გუნდში ვითამაშებდით. ეს დიდი პატივია და ნამდვილად ვამაყობ. ჩვენ ბედნიერი უნდა ვიყოთ მესის პსჟ-ში ხილვით. აუცილებელია მუშაობის გაგრძელება. ასეთ ფეხბურთელთან ერთად ერთ კლუბში თამაშისთვის დათმობაზე წასვლა ყველას გვიწევს, მაგრამ მასთან ერთად ყველაფერი უფრო ადვილი ხდება, რადგან მასთან თამაში ნამდვილი სიამოვნებაა.
იანვარში მადრიდის "რეალში" არ გადავალ. პსჟ-ში ვთამაშობ და აქ ძალიან ბედნიერი ვარ. აბსოლუტური დარწმუნებით შემიძლია ვთქვა, რომ სეზონს პსჟ-ში დავასრულებ. ყველაფერს გავაკეთებ, რომ ამ სეზონში პარიზულ კლუბთან ერთად ყველა ტიტული მოვიგო“, - ციტირებს მბაპეს სიტყვებს CNN-ი.
