ესპანურმა „ვალენსიამ“ კაპიტან დანი პარეხოს ახალი კონტრაქტი გაუფორმა. როგორც „ღამურების“ ვებგვერდი იტყობინება, პარეხო „მესტალიაზე“ 2022 წლის ზაფხულამდე დარჩება.
29 წლის ფეხბურთელი „ვალენსიას“ ერთ-ერთი ლიდერია და მიმდინარე სეზონში 30 მატჩში 6 გოლი გაიტანა (4 საგოლე პასი).
დანი პარეხო „ვალენსიაში“ 2011 წელს „ხეტაფედან“ გადავიდა. მას შემდეგ „მესტალიელთა“ რიგებში 310 თამაში ჩაატარა, 49 გოლი გაიტანა და 51 საგოლე პასი მიითვალა.
