იტალიის მოქმედმა ჩემპიონმა ტურინის „იუვენტუსმა“ და სამი ხედირამ თანამშრომლობა განაახლეს. აღნიშნულ ინფორმაციას იტალიური გრანდის ვებგვერდი ოფიციალურად ადასტურებს.
ხედირას ძველი კონტრაქტი 2019 წელს ეწურებოდა, თუმცა, ახალი ხელშეკრულების თანახმად ტურინში 2021 წლის ზაფხულამდე დარჩება.
შეგახსენებთ, რომ „იუვემ“ სამი ხედირა 2015 წელს, „რეალიდან“ დაიმატა. მას შემდეგ გერმანელმა ნახევარმცველმა 113 შეხვედრაში 20 გოლი გაიტანა და 13 საგოლე პასი გააკეთა. ამასთან, სამჯერ მოიგო სკუდეტო და იტალიის თასი, ერთხელ კი იტალიის სუპერთასი.
