სერბეთის დედაქალაქ ბელგრადში მდებარე სასტუმრო “მეტროპოლ პალასში” გრძელდება ევროპის ქალთა რიგით XIV ჩემპიონატი, რომელშიც 15 ქართველი მოჭადრაკე მონაწილეობს.

5 ტურის შემდეგ 4.5 ქულით 3 მონაწილე ლიდერობს: რუსი ალექკსანდრა გორიაჩკინა (2401), ლიტველი დეიმანტე დაულიტე (2363) და ქართველი ნინო ხურციძე (2443).

დაწინაურებულებს 0.5 ქულით ერთბაშად 14 მოჭადრაკე ჩამორჩება, რომელთა შორის 3 ქართველიცაა. დამატებითი მაჩვენებლებით, სალომე მელია (2428) მე-4 ადგილზეა, ბელა ხოტენაშვილს (2512) მე-7 პოზიცია უკავია, ხოლო ნანა ძაგნიძე (2558) მე-15 საფეხურზეა.

დანარჩენ ქართველთა მდგომარეობა ასეთია: 18. მაკა ფურცელაძე (2349) – 3.5; 21. მერი არაბიძე (2320) – 3.5; 22. მაია ლომინეიშვილი (2351) – 3.5; 29. ნინო ბაციაშვილი (2405) – 3.5; 32. ლელა ჯავახიშვილი (2465) – 3.5; 45. სოფიკო გურამიშვილი (2421) – 3.0; 67. მირანდა მიქაძე (2314) – 3.0; 74. სოფიო გვეტაძე (2341) – 2.5; 97. ანა გავაშელი (2170) – 2.5; 123. სოფიო ნიკოლაძე (2163) – 2.0; 124. მადონა ბოკუჩავა (2109) – 2.0;

მე-6 ტურში გორიაჩკინა ხურციძეს ეთამაშება, პოგონინა (რუსეთი, 2478) – ძაგნიძეს, მკრტჩიანი (სომხეთი, 2454) – ხოტენაშვილს, ხოლო სტეფანოვა (ბულგარეთი, 2497) – მელიას.

ევროპის ჩემპიონატის საპრიზო ფონდი 60 000 ევროს შეადგენს, საიდანაც ჩემპიონი 10 500 ევროს მიიღებს, მეორე პოზიციაზე გასული – 8 250-ს, მესამეადგილოსანი 6 500 ევროთი დაჯილდოვდება, ჯამში კი თანხა ოც მოწინავე მოჭადრაკეზე გადანაწილდება.

ქართველ მოჭადრაკეთა შედეგები

ნანა ძაგნიძე (2558) – 4.0 ქულა (რეიტინგის ცვლილება -1.5)

ბელა ხოტენაშვილი (2512) – 4.0 ქულა (+7.3)

ლელა ჯავახიშვილი (2465) – 3.5 ქულა (-1.7)

ნინო ხურციძე (2443) – 4.5 ქულა (+11.7)

სალომე მელია (2428) – 4.0 ქულა (+1.0)

სოფიკო გურამიშვილი (2421) – 3.0 ქულა (0)

ნინო ბაციაშვილი (2405) – 3.5 ქულა (+2.4)

მაია ლომინეიშვილი (2351) – 3.5 ქულა (+7.7)

მაკა ფურცელაძე (2349) – 3.5 ქულა (+17.4)

სოფიო გვეტაძე (2341) – 2.5 ქულა (-2.7)

მერი არაბიძე (2320) – 3.5 ქულა (+14.85)

მირანდა მიქაძე (2314) – 3.0 ქულა (-12.6)

ანა გავაშელი (2170) – 2.5 ქულა (-3.45)

სოფო  ნიკოლაძე (2163) – 2.0 ქულა (-7.65)

მადონა ბოკუჩავა (2109) – 2.0 ქულა (-6.00)