ფრანგული “პარი სენ ჟერმენის” ცენტრალური მცველი ტიაგუ სილვა გუნდის მთავარ მწვრთნელს, კარლო ანჩელოტის მადლობას უხდის იმის გამო, რომ იტალიელმა ბრაზილიელის ცხოვრება შეცვალა.
“არაერთ მწვრთნელთან მითამაშია, მაგრამ მინდა ერთი მათგანი – კარლო ანჩელოტი – გამოვყო.
ევროპაში გადმოსვლის შემდეგ საკმაოდ მიჭირდა. “მილანში” ჩარიცხვის შემდეგ, 6 თვის განმავლობაში არ მითამაშია. მაგრამ ამ დროის განმავლობაში, ისეთ მწვრთნელთან ერთად ვვარჯიშობდი, როგორიც კარლო ანჩელოტია. მინდა აღვნიშნო, რომ ამ 6 თვეში ჩემი ცხოვრება შეიცვალა.” – ციტირებს ტიაგუ სილვას სიტყვებს beIn Sport-ი.
ტიაგუ სილვა “მილანში” 2008 წლის დეკემბერში, იმ დროს გადავიდა, როდესაც გუნდს კარლო ანჩელოტი წვრთნიდა. თუმცა, ბრაზილიელმა, იტალიური კლუბის მაისურით თამაშის უფლება 2009 წლის ივლისში მიიღო და ამ დროს, ანჩელოტი უკვე “ჩელსის” მწვრთნელი იყო. ანჩელოტის ხელმძღვანელობით, ტიაგუ სილვამ პირველად “პარი სენ ჟერმენში” ითამაშა.
