მადრიდის “ატლეტიკოს” ფეხბურთელმა ტიაგო მენდეშმა, ესპანურ “ასთან” საუბარში საკუთარ კარიერაზე ისაუბრა. ფეხბურთელის განცხადებით, გასული სეზონის ბოლოს, ლონდონის “ჩელსიმ” სარფიანი წინადადებით მიმართა, თუმცა ფეხბურთელმა წასვლას მადრიდში დარჩენა არჩია, ყოფილ კლუბს კი უარით უპასუხა.

“რთული ზაფხული წარსულს ჩაბარდა. ჯერ კიდევ ზაფხულის სატრანსფერო ფანჯრის დაწყებამდე მომმართეს ლონდონელებმა. ვფიქრობდი, რა აჯობებდა: წასვლა, თუ დარჩენა. ბოლოს კი სიმეონეს ვესაუბრე. გუნდში მნიშვნელოვან მოთამაშედ მიმიჩნევს. ეს კი ჩემთვის გადამწყვეტი ფაქტორია.

ბედნიერი ვარ და კლუბის ხელმძღვანელობას ვემადლიერები. ჩემის მხრივ, მოედანზე ძალისხმევას არ დავიშურებ. ასე რომ, კვლავ “ატლეტიკოს” მაისურში მიხილავთ”, – დაასრულა ტიაგომ.

ტიაგო 2004-2005 წლებში იცავდა არისტოკრატთა ღირსებას, შემდგომ თამაშობდა “ლიონსა” და “იუვენტუსში,” 2010 წელს კი, ეროვნულ ნაკრებს ჩამოშორდა.

დიმიტრი შარიქაძე