შვეიცარიის ეროვნული ნაკრებისა და “ბაზელის” ნახევარმცველი ვალენტინ შტოკერი, მომდევნო სეზონიდან, გერმანულ “ჰერტაში” ითამაშებს.
სატრანსფერო ფასის შესახებ ოფიციალური ინფორმაცია არ გავრცელებულა. Kicker-ის ცნობით, ბერლინელებს 25 წლის ფეხბურთელის შეძენა დაახლოებით 4 მილიონი ევრო დაუჯდათ. “ჰერტამ” შვეიცარიელთან 2018 წლამდე მოქმედი კონტრაქტი გააფორმა.
შტოკერი “ბაზელის” სკოლის აღზრდილია, შვეიცარიის ჩემპიონატში მან 162 თამაში ჩაატარა და 41 გოლი გაიტანა.
