ხაბაროვსკის “სკა-ენერგიას” ლიდერი გოგიტა გოგუა ინტერნეტპორტალ onedivision.ru-ს ვერსიით, რუსეთის საფეხბურთო პირველი დივიზიონის ტურის სიმბოლურ ნაკრებში ზედიზედ მეორედ მოხვდა.
მე-10 ტურში, ხაბაროვსკელებმა სტუმრად მახაჩყალის “ანჟისთან” ქულა აიღეს (1:1) და 38-ე წუთზე ანგარიში პენალტიდან ქართველმა ნახევარმცველმა გაათანაბრა.
“სკა-ენერგიას” ლიდერმა მახაჩყალაში პენალტი დამაჯერებლად გამოიყენა და გუნდს მორიგი ფრე მოუტანა. გარდა ამისა, 25 ორთაბრძოლა მოიგო, რაც საერთო რაოდენობის 68 პროცენტია” – იუწყება onedivision.ru გოგუას შესახებ.
მიმდინარე სეზონში 31 წლის გოგუამ “სკა-ენერგიაში” 8 მატჩი ჩაატარა და 3 გოლი გაიტანა.
