სტამბოლის „გალათასარაიმ“ „ნაპოლიდან“ ნოა ლანგი დაიმატა. ტრანსფერი ოფიციალურად დადასტურდა.

ნიდერლანდელის 6-თვიან იჯარაში თურქებმა 3 მილიონი ევრო გაიღეს, ხოლო ზაფხულში მისი გამოსყიდვის უფლება 30 მილიონ ევროდ ექნებათ.

ნოა ლანგი „ნაპოლიმ“ გასულ ზაფხულს პსვ ეინდჰოვენიდან შეიძინა, მაგრამ ფეხბურთელმა მოლოდინი ვერ გაამართლა და იტალიური კლუბი 27 მატჩში გატანილი ერთადერთი გოლით დატოვა. ლანგს თავის დროზე „აიაქსში“, „ტვენტეში“, „ბრიუგესა“ და პსვ ეინდჰოვენში უთამაშია.