ნეიმარის მამამ „სანტოსში“ თავისი შვილის დაბრუნებაზე ისაუბრა. როგორც მან თქვა, ეს ადრე თუ გვიან, მოხდება, მაგრამ ახლა მხოლოდ გამოჯანმრთელებაზე უნდა იფიქრონ.
„ეს არ არის უბრალოდ დაახლოება, ყველამ იცის, როგორი სიყვარული გვაქვს "სანტოსის" მიმართ. იქ დავიწყეთ, ჩემმა შვილმა კარიერა ამ ფერებით დაიწყო და უკან დაბრუნება სასიამოვნოა. ბევრ რამეს გვახსენებს.
ოცნება არსებობს, მაგრამ ჩვენ უნდა შევინარჩუნოთ სიმშვიდე. ნეიმარს ჯერ კიდევ აქვს დრო განავითაროს თავისი კარიერა ბრაზილიის გარეთ, კერძოდ არაბეთში. ადრე თუ გვიან, „სანტოსში“ დაბრუნდება, ეს გარდაუვალია, მაგრამ მოდით შევინარჩუნოთ ფეხები მიწაზე. პირველ რიგში, მის გამოჯანმრთელებაზე ვიფიქროთ, მან უნდა შეძლოს და თავის სათამაშო დონეს დაუბრუნდეს. ნაბიჯების გამოტოვება შეუძლებელია, ტრავმა რთულია და 100% უნდა გამოჯანმრთელდეს. ვფიქრობ, აგვისტო ან სექტემბერი შეიძლება იყოს იდეალური თვეები მოედანზე მის დასაბრუნებლად“, - თქვა ნეიმარის მამამ.
შეგახსენებთ, რომ ნეიმარს ბოლო დროს „სანტოსს“ უკავშირებენ და ვარაუდობენ, რომ 2025 წელს დაუბრუნდება მშობლიურ კლუბს, სადაც 2009-2013 წლებში თამაშობდა.
