კრიშტიანუ რონალდუს დიდებულმა, თუმცა დაუსრულებელმა სპორტულმა კარიერამ გაგიკვირდებათ და მისი მეუღლეც კი დაღალა. სხვას აბა რას უნდა მივაწეროთ ჯორჯინა როდრიგესის გაკაპასებული პასუხი ჟურნალისტს კითხვაზე, პორტუგალიელი სუპერმეგოლე კარიერას რამდენ ხანში დაასრულებდა.
ჯორჯინამ არც აცია და არც აცხელა განაცხადა, რომ სულ არ აინტერესებს რამდენხნიანი კონტრაქტი აქვს გაფორმებული კრიშტიანუს არაბულ კლუბთან და რაკი მას ქმარი დაპირდა, რომ კარიერას ერთ წელში საბოლოოდ დაასრულებს და ოჯახს დაუბრუნდება, ეს პირობა აუცილებლად უნდა შესრულდეს. შეიხებს კი ისემც უქნიათ, გაკრახმალებულ ხაოიან პირსახოცზე გასრიალებულანო.
ამაზეა ნათქვამი: „არაბი შეიხი ბჭობდა და ჯორჯინა როდრიგესი ობოღმებოდაო“. სხვანაირად ვერ გადაკეთდებოდა ეს ქართული გამოთქმა, რადგან ქმრის დაუსრულებელი კარიერით ნერვებმოშლილ როდრიგესის ქალს სასაცილოდ როგორც ჩანს სულაც არა აქვს საქმე.
