„ლივერპულის“ მთავარმა მწვრთნელმა იურგენ კლოპმა „ფულემთან“ ინგლისის ლიგის თასის ნახევარფინალური მატჩის (2:1) შემდეგ თავდამსხმელის, დარვინ ნუნიესის თამაშზე ისაუბრა.

„ის გამორჩეულია. პირველი წელი ადაპტაციას დასჭირდა, მაგრამ უკვე მაშინაც კარგად თამაშობდა. დღეს საღამოს ძირითადში დაიწყებდა, მაგრამ გასულ თამაშში კრუნჩხვები ჰქონდა. დარვინისა და გაკპოს შეცვლაზე შეყვანა სწორი გადაწყვეტილება იყო.

არ ვიცი როგორ ავხსნა სიტუაცია დარვინთან და მის საგოლე რეალიზაციასთან დაკავშირებით. ძალიან არ უმართლებს ეპიზოდების დასრულების დროს. თითქოს ყველაფერს სწორად აკეთებს, მაგრამ ხანდახან საოცარი გოლები ვერ გააქვს.“ - ციტირებს კლოპის სიტყვებს Liverpool Echo.

შეგახსენებთ, რომ ურუგვაელი თავდამსხმელი „ფულემთან“ მატჩში „ლივერპულის“ სასტარტო შემადგენლობაში ვერ მოხვდა, მაგრამ სათადარიგოთა სკამიდან 56-ე წუთზე ჩაერთო თამაშში, როდესაც ანგარიში სტუმრების სასარგებლოდ 0:1 იყო. მისი გადაცემებით კერტის ჯონსმა და კოდი გაკპომ ორი გოლი გაიტანეს, რისი წყალობითაც მერსისაიდელებმა ორრაუნდიანი დაპირისპირების პირველ თამაშში საშინაო გამარჯვება მოიპოვეს.

საპასუხო მატჩი ლონდონში 24 იანვარს, გაიმართება.

დარვინ ნუნესმა მიმდინარე სეზონში „ლივერპულის“ შემადგენლობაში 30 მატჩი ჩაატარა ყველა ტურნირზე, რვა ბურთი გაიტანა და 10 საგოლე გადაცემა შეასრულა.