უკრაინის ნაკრების მთავარმა მწვრთნელმა, სერჰი რებროვმა, ევრო 2024-ის შესარჩევი ეტაპის ბოლო ტურის მატჩში იტალიის ნაკრებთან ფრედ დამთავრებული (0:0) შეხვედრის შესახებ ისაუბრა.
„მადლობა გადავუხადე ფეხბურთელებს. ვფიქრობ, მათ ყველაფერი გააკეთეს. გეგმა ასეთი იყო: პირველ ტაიმში მეტოქის ზეწოლა შეგვეკავებინა, მეორეში კი მეტი შეტევა გვეცადა. ვფიქრობ, კარგი მომენტები გვქონდა.
ბიჭები გულგატეხილნი არიან, მაგრამ ევროპის მოქმედ ჩემპიონებთან მათ ნამდვილი თამაში აჩვენეს. საწყენია, მაგრამ მომავლს ოპტიმისტურად ვუცქერ. დღეს ვნახე გუნდი, რომელსაც სურდა ფინალურ ეტაპზე გასვლა და ესმოდა როგორ გაეკეთებინა ეს“, - ციტირებს რებროვის სიტყვებს ua.tribuna.com.
„სკუადრა აძურამ“ C ჯგუფში მეორე ადგილი დაიკავა (ინგლისის შემდეგ) და ტურნირის ფინალურ ეტაპზე გავიდა. უკრაინის ნაკრები, თავის მხრივ, მესამე ადგილზე დარჩა და ერთა ლიგის ფლეი-ოფში ევრო 2024-ის საგზურისთვის იბრძოლებს.
