საფრანგეთის ნაკრებისა და „პარი სენ-ჟერმენის“ ფეხბურთელმა კილიან მბაპემ „ოქროს ბურთის“ შესახებ ისაუბრა. როგორც მან თქვა, ლიონელ მესიმ ეს ჯილდო დამსახურებულად მოიგო.
„მე პირდაპირ საუბრის არ მეშინია. მესი იმსახურებდა „ოქროს ბურთს“, ის ისტორიაში ერთ-ერთი საუკეთესოა, თუ არა, საუკეთესო. თუნდაც, მე და ჰოლანდს შესანიშნავი სეზონი გვქონდეს, ის იმსახურებდა. მსოფლიოს ჩემპიონატის ფინალის საღამოს უკვე ვიცოდი, რომ მესი „ოქროს ბურთს“ მოიგებდა“, - თქვა მბაპემ.
