„მონცას“ ფეხბურთელი პაპუ გომესი დოპინგ-ტესტზე ჩავარდა და 2-წლიანი დისკვალიფიკაცია მისცეს.
ინფორმაციას ესპანური გამოცემა Relevo ავრცელებს. წყაროს თანახმად, არგენტინელმა დოპინგ-კონტროლი ჯერ კიდე გასული წლის ნოემბერში, მსოფლიოს ჩემპიონატამდე ჩააგდო, როდესაც „სევილიაში“ თამაშობდა.
როგორც ირკვევა, გომესმა უძილობის საწინააღმდეგოდ ერთ-ერთი სიროფი მიიღო ექიმების კონსულტაციის გარეშე. წყაროს თანახმად, ეს ამბავი „სევილიაშიც“ იცოდნენ, რომელმაც ფეხბურთელთან თანამშრომლობა ზაფხულში დაასრულა, არგენტინელი კი ცოტა ხნის წინ თავისუფალი აგენტის სტატუსით „მონცას“ შეუერთდა.
აღსანიშნავია, რომ დოპინგზე ჩავარდნის მიუხედავად გომესს მსოფლიოს ჩემპიონატზე თამაშის უფლება მისცეს, სადაც არგენტინა მსოფლიოს ჩემპიონი გახდა. ახლა ვეტერან ფეხბურთელს 2 წელი მოუწევს უფეხბურთოდ ყოფნა და ალბათ, კარიერასაც დაასრულებს.
