იტალიის სერია B-ს მე-9 ტურში „კრემონეზემ“ სტუმრად „კომო“ 3:1 დაამარცხა, ლუკა ლოჩოშვილი ტრადიციულად ძირითად შემადგენლობაში იყო, მაგრამ გააძევეს.
ლუკამ 68-ე წუთზე მიიღო პირდაპირ წითელი ბარათი და თავისი გუნდი, რომელიც იმ დროისთვის 3:1-ს იგებდა, რიცხობრივ უმცირესობაში დატოვა. თუმცა, კრემონელებმა გამარჯვებამდე საქმე მაინც მიიყვანეს.
ლოჩოშვილს მიმდინარე სეზონში 7 მატჩი აქვს ჩატარებული შეუცვლელად. „კრემონეზე“ 13 ქულით მეშვიდე ადგილზეა, მომდევნო ტურში კი 21 ოქტომბერს, „სუდტიროლს“ უმასპინძლებს.
