„უნიონ ბერლინის“ მცველმა ლეონარდო ბონუჩიმ განაცხადა, რომ „იუვენტუსში“ დაამცირეს და მასიმილიანო ალეგრიმ ტყუილი თქვა.
36 წლის ფეხბურთელის თქმით, მან არ იცოდა, თუ კლუბის გეგმებში არ შედიოდა, როგორც ამის შესახებ კლუბში ამბობენ:
„მე წავიკითხე და მოვისმინე იუვენტუსის და მწვრთნელის (ალეგრი) მხრიდან ნათქვამი სიცრუე. არ არის სიმართლე, რომ 2022 წლის ოქტომბერსა და 2023 წლის თებერვალში მათ მაცნობეს სეზონის ბოლოს ურთიერთობის შეწყვეტის სურვილის შესახებ. რაღაც სუნი ვიგრძენი გაზეთებიდან, სანამ 13 ივლისს, ჯუნტოლი და მანა სახლში მესტუმრებოდნენ და მითხრეს, რომ აღარ ვიქნებოდი „იუვენტუსის“ შემადგენლობაში, რადგან მოედანზე ჩემი ყოფნა გუნდის ზრდას შეაფერხებდა.
ეს იყო დამცირება, რომელიც განვიცადე „იუვენტუსში“ ჩატარებული 500-ზე მეტი მატჩის შემდეგ. ვაფასებ ბევრი მოთამაშის, მათ შორის, ამჟამად „იუვეში“ მყოფი ფეხბურთელების სოლიდარობას, ყველამ გამოხატა ჩემთან სიახლოვე კლუბის უპატივცემულო საქციელის გამო“, - თქვა ბონუჩიმ.
შეგახსენებთ, რომ ლეონარდო ბონუჩიმ „იუვენტუსში“ 2010-2017 და 2018-2023 წლებში 502 მატჩი ჩაატარა და ჩატარებული თამაშების რაოდენობით ის კლუბის ისტორიაში მეექვსე ადგილზეა. იტალიელი მცველი ცოტა ხნის წინ გერმანულ „უნიონს“ შეუერთდა.
