ნიქოზიის „აპოელის“ მთავარმა მწვრთნელმა რიკარდო სა პინტუმ გორის „დილასთან“ მატჩის (1:0) შემდეგ კომენტარი გააკეთა. როგორც პორტუგალიელმა აღნიშნა, მეტოქე სუსტი არ იყო, როგორც ეს ბევრს ჰგონია.

„ვიცოდით, რომ მეტოქე აგრესიულად დაიწყებდა თამაშის და გოლის გატანას ეცდებოდა, რადგან წარმატების სჯეროდათ. ამისთვის მზად ვიყავით. დაცვაში ყურადღებით ვითამაშეთ, მაგრამ ტემპს ვერ ვაკონტროლებდით, შეგვეძლო უკეთ გვეთამაშა. პირველ ტაიმში ბევრი მომენტი არ გვქონია, მეორე ნახევარში კი, მას შემდეგ, რაც ფეხბურთელებს ველაპარაკე, რაც უნდა გვექნა, ბევრად უკეთესები ვიყავით. ფეხბურთელებს ვუთხარი, რომ როცა მოთმინება გვაქვს, ძალიან სახიფათონი ვართ. ბევრი ამბობს, რომ ძლიერი მეტოქე არ გვყავდა, მაგრამ მე არ ვეთანხმები, 3-4 ხარისხიანი ფეხბურთელი ჰყავთ, რომლებიც ჩვენს გუნდშიც ითამაშებდნენ, განსაკუთრებით გარემარბები. გოლის შემდეგ თამაშს ვაკონტროლებდით და დამსახურებულად მოვიგეთ.

ძალიან ვამაყობ ამ გუნდით, ეს იმპულსი და გამარჯვება მნიშვნელოვანია ჩვენი მენტალობისთვის. უკეთესები ვიყავით და გამარჯვებას ვიმსახურებდით. მომდევნო მეტოქე? „გენტთან“ მატჩზე სასაუბროდ დრო გვაქვს“, - თქვა სა პინტუმ.

შეგახსენებთ, რომ ქართული კლუბებიდან მიმდინარე სეზონში ევროსარბიელზე ყველაზე კარგად გორის „დილა“ გამოვიდა, რომელმაც ორი ეტაპის გადალახვა შეძლო.