მარკო როისმა დორტმუნდის „ბორუსიას“ კაპიტნობაზე უარი თქვა. გერმანელმა ფეხბურთელმა სოციალურ ქსელში ვიდეო გამოაქვეყნა, სადაც ამის შესახებ ისაუბრა და გულშემატკივრებს თავისი გადაწყვეტილება გაანდო.
„დორტმუნდის“ ძვირფასო გულშემატკივრებო, ჩემთვის ძალიან მნიშვნელოვანია ეს განცხადება პირადად ჩემგან მოგესმინათ. შვებულებში ბევრი დრო მქონდა დასაფიქრებლად და გადავწყვიტე, რომ კაპიტნის სამკლავური სხვას გადავცე. გუშინ ეს გადაწყვეტილება ვაცნობე ედინ ტერზიჩს და სებასტიან კელს. მქონდა შესაძლებლობა, რომ ეს წოდება 5 წელი ამაყად და დიდი პატივით მეტარებინა. მადლობა მხარდაჭერისთვის მთელი ამ წლების განმავლობაში. დარწმუნებული ვარ, ედინი და სებასტიანი ძალიან კარგ მემკვიდრეს აირჩევენ“, - დაწერა როისმა სოციალურ ქსელში.
შეგახსენებთ, რომ მარკო როისი დორტმუნდში დაიბადა, აკადემიაში 1996-2006 წლებში ირიცხებოდა, ხოლო მთავარ გუნდში 2012 წელს „გლადბახიდან“ გადავიდა და მას შემდეგ 387 შეხვედრაში 161 გოლი გაიტანა.
