ლონდონის „ჩელსის“ მცველი კალიდუ კულიბალი კარიერას საუდის არაბეთის „ალ-ჰილალში“ გააგრძელებს. ინფორმაცია ოფიციალურად დადასტურდა.
კულიბალიმ „ალ-ჰილალთან“ კონტრაქტი 2026 წლამდე გააფორმა, სეზონში კი 30 მილიონ ევროს მიიღებს. თავის მხრივ, არაოფიციალური ცნობით, "ჩელსის" საუდელებმა 25 მილიონ ევრო გადაუხადეს.
32 წლის ფეხბურთელმა „ჩელსიში“ მხოლოდ ერთი სეზონი ითამაშა და 32 შეხვედრაში 2 გოლი გაიტანა. მანამდე ის 2014-2022 წლებში „ნაპოლის“ ლიდერი იყო, სადაც 317 თამაშში თავი 14-ჯერ გამოიჩინა. კარიერის საწყის ეტაპზე კულიბალი „მეცსა“ და „გენკში“ ირჯებოდა.
აღსანიშნავია, რომ "ჩელსიდან" "ალ-იტიჰადში" მანამდე გადავიდა ნგოლო კანტე, ხოლო ჰაკიმ ზიეშის "ალ-ნასრში" და ედუარ მენდის "ალ-აჰლიში" ტრანსფერებიც გადაწყვეტილია, მხოლოდ ოფიციალური დასტური აკლია.
