ფრანგი კარიმ ბენზემა მადრიდის „რეალის“ დატოვებასთან ძალიან ახლოსაა და ამის მიზეზი ფანტასტიკური შეთავაზებაა საუდის არაბეთიდან - 400 მილიონი ევრო.

თავდაპირველად გავრცელდა ინფორმაცია ბენზემასთვის ორ წელიწადში 200-მილიონევროიანი შეთავაზების თაობაზე, თუმცა მალევე Goal.com-მა და სხვა გამოცემებმა 400 მილიონი ევროც ახსენეს.

საქმე ისაა, რომ საუდის არაბეთი ყველაფერს აკეთებს 2030 წლის მსოფლიოს ჩემპიონატის მასპინძლობის მოსაპოვებლად და საამისოდ ნამდვილი ნადირობა აქვს გაჩაღებული სუპერვარსკვლავებზე.

საუდელებს სურთ, რონ ბენზემასთან ერთად ამ საქმეში ლიონელ მესიც ჩართონ და ქვეყნის ჩემპიონატის პოპულარიზაციასთან ერთად, სუპერვარსკვლავები (კრიშტიანუ რონალდუ უკვე ისედაც საუდის არაბეთის „ალ ნასრიში“ თამაშობს) ელჩებად გამოიყენონ მსოფლიოს ჩემპიონატის მასპინძლობისთვის ბრძოლაში.

რაც შეეხება ბენზემას მოქმედ კონტრაქტს მადრიდის „რეალთან“, მას ვადა მიმდინარე წლის ივნისში გასდის, თუმცა, წესით, მას შემდეგ რაც 2022 წლის ბოლოს ფრანგმა „ოქროს ბურთი“ მოიპოვა, ხელშეკრულება ავტომატურად უნდა გაგრძელებულიყო. ჯერჯერობით, გაგრძელების შესახებ არაფერი ისმის...