„ნაპოლის“ ახალი მწვრთნელის შესახებ Corriere Dello Sport-მა სტატია გამოაქვეყნა და ამტკიცებს, რომ აურელიო დე ლაურენტისი ხუთ მწვრთნელს პირადად ესაუბრა.
„მე უკვე ველაპარაკე ხუთ მწვრთნელს“, - უთხრა მან რომაულ გაზეთს. წყაროს თანახმად, ერთ-ერთი ანტონიო კონტეა, რომელმაც „ნაპოლიში“ მუშაობაზე უარი თქვა, მეორე არის იულიან ნაგელსმანი, რომელსაც „ბაიერნთან“ კონტრაქტი გათავისუფლების მიუხედავად ჯერ კიდევ აქვს და ნეაპოლელებს მის გასათავისუფლებლად 10 მილიონი ევროს გადახდა მოუწევთ. დანარჩენების ვინაობა უცნობა.
იტალიური გამოცემის ცნობით, ერთ ლუის ენრიკე უნდა იყოს, მაგრამ დე ლაურენტისს აქვს B, C და შესაძლოა D გეგმაც, ნებისმიერ შემთხვევაში ალტერნატივების მთელი სერია. ხუთ მწვრთნელს შორის დაასახელეს სერჟიო კონსეისაო, ტიაგო მოტა და ვინჩენცო იტალიანოც.
შეგახსენებთ, რომ ლუჩანო სპალეტი სეზონის ბოლოს გადადგომას აპირებს. ამიტომაც, დიდი ალბათობით, ხვიჩა კვარაცხელიას მომდევნო სეზონში ახალი მწვრთნელი ეყოლება.
