„მანჩესტერ სიტის“ მთავარმა მწვრთნელმა პეპ გვარდიოლამ „რეალთან“ გამარჯვებისა (4:0) და ჩემპიონთა ლიგის ფინალში გასვლის შემდეგ კომენტარი გააკეთა. როგორც მან აღნიშნა, ძალიან ბედნიერია და კომენტარი „ინტერთან“ ფინალზეც გააკეთა.

„ძალიან დიდი ბედნიერებაა, ჩემპიონთა ლიგის ფინალში ვართ. ახლა ჩემპიონატის მატჩი გვაქვს, შემდეგ თასისა და ჩემპიონთა ლიგის ფინალისთვის მოვემზადებით. ჩემპიონთა ლიგა განსაკუთრებულია და ვიცით, რა რთულია მისი მოგება. შესანიშნავი მატჩი ჩავატარეთ, განსაკუთრებით პირველ ტაიმში. მეორე ნახევარში შესაფერისი ტემპი არ გვქონდა, მაგრამ მიზანს მივაღწიეთ.

პირველ შეხვედრაში გადავწყვიტე შუამარბი უფრო უკან დამაყენებინა, დღეს კი უფრო წინ დავაყენე. სახლში თავს უკეთ ვგრძნობთ, უფრო ძლიერებად. არ ვიცი, რატომ, მაგრამ ასეა. ყველა ჰოლანდის შესახებ ლაპარაკობს, რაც დამსახურებულია, მაგრამ როდრის გარეშე ჩვენ აქ არ ვიქნებოდით. მისი მოედანზე ყოფნა ძალიან მნიშვნელოვანია.

შარშან ოქროს ბურთი ბენზემამ მოიგო, რასაც იმსახურებს, მაგრამ კურტუასთვის რომ მიეცათ, ესეც დამსახურებული იქნებოდა. იტალიური გუნდი, იტალიური გუნდია. იტალიელებისთვის არაფერია იმაზე უმჯობესი, როცა ფავორიტად არ მიიჩნევენ და ფინალის იტალიურ მეტოქესთან თამაში არასდროსაა საუკეთესო არჩევანი, მაგრამ ამაზე სასაუბროდ დრო გვექნება”, - თქვა გვარდიოლამ.

შეგახსენებთ, რომ ჩემპიონთა ლიგის ფინალში „მანჩესტერ სიტი“ 10 ივნისს, მილანის „ინტერს“ დაუპირისპირდება.