ვეტერანმა არგენტინელმა ფეხბურთელმა დიეგო მილიტომ განაცხადა, რომ იტალიის სერია A-ში „ნაპოლის“ დიდი უპირატესობის მიუხედავად, გამორიცხული არაფერია და ყველაფერი შეიძლება მოხდეს.

„ნაპოლი“ ერთადერთი გუნდია, რომელმაც სტაბილურობა შეინარჩუნა და სხვებთან შედარებით გაიქცა, მსგავსი სხვაობა ლიდერსა და მდევრებს შორის დიდი ხანია არ გვინახავს. საჩემპიონო რბოლა დასრულებულია? ფეხბურთში ყველაფერი და ყველაფრის საპირისპირო ვნახე. რა თქმა უნდა, 15 ქულა ბევრია, სხვებისთვის „ნაპოლის“ დაწევა ადვილი არ იქნება, თანაც, „ნაპოლიმ“ აჩვენა, რომ ძალიან თავდაჯერებულია“, - თქვა მილიტომ.

შეგახსენებთ, რომ სერია A-ს დასრულებამდე 13 ტურია დარჩენილი, „ნაპოლი“ კი უახლოეს მდევარ „ინტერს“ 15 ქულით უსწრებს.