ავსტრალიელ დანიელ რიკარდოს „მაკლარენმა“ კონტრაქტი არ გაუგრძელა. როგორც ირკვევა, მან „ჰაასის“ შეთავაზება არ მიიღო და უგუნდოდ დარჩა. მაგრამ გერმანულ მედიაში გავრცელებული ინფორმაციით, „რედ ბული“ თავის რიგებში დაბრუნებას სთავაზობს, ოღონდ სარეზერვო პილოტის როლში.
„მაკლარენში“ რიკარდოს ახალგაზრდა ავსტრალიელი, ოსკარ პიასტრი შეცვლის. რიკარდომ ბრიტანული გუნდისგან, კონტრაქტის შეწყვეტაზე თანხმობა განაცხადა, მაგრამ მისთვის შესაფერისი გუნდი ვერ იშოვნა. და ახლა „რედ ბულის“ შეთავაზება, მისთვის პრაქტიკულად ერთადერთი გამოსავალია. მითუმეტეს, აქვს იმის პერსპექტივა, რომ არცთუ შორეულ მომავალში, საპრიზო პილოტიც გახდეს.
სკაი სპორტსის გერმანულ ტელეარხთან საუბრისას, „რედ ბულის“ მოტორსპორტულ საქმეთა მრჩეველმა ჰელმუტ მარკომ დაადასტურა, რომ რიკარდო გუნდის მესამე პილოტი იქნება. ის დასძენს, რომ „რედ ბულს“ ბევრი სპონსორი ჰყავს, რომლებისთვისაც, საჩვენებელ გარბენებს იმ ქალაქებშიც მართავს, სადაც ფ1-ის რბოლები არ ტარდება. და მუდამ მომღიმარი და მხიარული რიკარდოც სწორედ ასეთ წარმოდგენებში გამოადგება.
თავად რიკარდომ განაცხადა, რომ აბუ დაბის დიდი პრიზი, რომელიც ამ უქმეებზე გაიმართება, ფორმულა 1-ში მისი ბოლო გამოსვლა იქნება. მისი სარეზერვო პილოტად აყვანა „მერსედესს“ და იმავე „რედ ბულს“ სურთ. თუმცა თავად ამას არ ადასტურებს. ცნობისათვის, „რედ ბულის“ ოფიციალური სარეზერვო პილოტი, ფორმულა 2-ის ახალზელანდიელი პილოტი ლიამ ლავსონია.
