„რეინჯერსის“ მთავარმა მწვრთნელმა ჯოვანი ვან ბრონხორსტმა „ნაპოლისთან“ მატჩის წინ პრესკონფერენცია გამართა. როგორც მან თქვა, მის გუნდს კრიზისი აქვს და ახლა ასეთი ფორმაში მყოფი „ნაპოლის“ წინააღმდეგ თამაში ყველაზე ცუდი ვარიანტია.

„ამ თამაშში ხასიათის გამოჩენის კარგი შანსი გვაქვს. ბოლო რამდენიმე მატჩი გვეუბნება, რომ სტრატეგია უნდა შეიცვალოს. ძლიერი გუნდების წინააღმდეგ უშიშრად უნდა გავიდეთ მოედანზე დადებითი შედეგის მიღწევის იმედით. ფეხბურთელი ტრავმის გამო გვაკლია, ბევრსაც ჩემპიონთა ლიგაზე თამაში არ შეუძლია, მაგრამ შემადგენლობაში ცვლილებები იქნება. რთული პერიოდი გვაქვს და ვცდილობთ, მას თავი დავაღწიოთ.

დიდებულ სტადიონზე შესანიშნავ გუნდს ვხვდებით. „ნაპოლის“ ზედიზედ 11 თამაში აქვს მოგებული და უძლიერესთა შორისაა, მაგრამ მაქსიმუმის გაკეთებას ვეცდებით. „ნაპოლიმ“ სეზონი მართლაც კარგად დაიწყო, ძლიერი გუნდია, რომელიც ძალიან თავდაჯერებულია. უკვე გადალახა ჯგუფური ეტაპი, მაგრამ ახლა მსოფლიოს ჩემპიონატის პაუზა იწყება და მოუწევთ ამ ფორმის შენარჩუნება. მგონია, რომ მათ არცერთი გუნდის ეშინიათ. ახლა „ნაპოლის“ წინააღმდეგ თამაში ყველაზე ცუდი ვარიანტია, მაგრამ ჩვენი ფეხბურთის თამაშს ვეცდებით“, - თქვა ვან ბრონხორსტმა.

შეგახსენებთ, „ნაპოლისა“ და „რეინჯერსის“ მატჩი 26 ოქტომბერს, თბილისის დროით 23:00 საათზე გაიმართება.