შაბათს, ესპანური პრიმერას მე-9 ტურში, „ატლეტიკომ“ სტუმრად „ბილბაო“ 0:1 დაამარცხა. ერთადერთი გოლი 47-ე წუთზე ფრანგმა შემტევმა, ანტუან გრიზმანმა გაიტანა, რომელმაც რამდენიმე დღის წინათ მადრიდულ კლუბთან სრულფასოვანი კონტარქტი გააფორმა 2023 წლის ივნისამდე. მანამდე ის „ბარსელონას“ ფეხბურთელად ითვლებოდა და „ატლეტიკოში“ იჯარის წესით თამაშობდა.

„შესანიშნავად ვითამაშეთ. ნამდვილი გუნდური სული გამოვავლინეთ.ბედნიერებაა როცა ბევრ დაბრკოლებას გადალახავ და იმარჯვებ.

ბედნიერი ვარ, რომ „ატლეტიკოსთან“ სრულფასოვანი კონტრაქტი გავაფორმე. კლუბის ქომაგებს ბოდიშს ვუხდი, 2019-ში „ბარსელონაში“ გადასვლის გამო. ალბათ არაერთ ადამიანს მივაყენე ტკივილი. თუმცა, მათ თვალში რეაბილიტაციის საუკეთესო საშუალება იმის ჩვენებაა, რა შემიძლია. ჩვენ სწორ გზაზე ვდგავართ.“ - ციტირებს გრიზმანის სიტყვებს AFP.