ფეხბურთი

2:00 | 7.08.2022 | ნანახია [] - ჯერ

ლუჩანო სპალეტი კვარაცხელიაზე: "ეს დამოკიდებულება მის ძლიერ ხასიათს აჩვენებს"

„ნაპოლიმ“ პრესეზონს ბოლო ამხანაგური თამაში ჩაატარა და „ესპანიოლს“ უგოლოდ დაუზავდა. მატჩის შემდეგ ლუჩანო სპალეტიმ ხვიჩა კვარაცხელიაზე კიდევ ერთხელ ისაუბრა და ქართველი შემტევის მიმართ კომპლიმენტები არც ამჯერად დაუკლია.

„დიახ, ასეთ კვარაცხელიას ველოდი. ჩვენ გვჭირდება ისეთი მოთამაშეები, რომლებიც ინდივიდუალურად ატყუებენ მეტოქეს, შეუძლიათ შეტევისთვის სივრცის გათავისუფლება და შეტევის კარში დარტყმით დასრულებაც. ის არის ბიჭი, რომელიც ყველაფრისთვის ხელმისაწვდომია, დღეს საღამოს თავგანწირვაც გამოავლინა. მას კუნთი სტკიოდა, პირველი ტაიმის ბოლოს ვკითხე როგორ იყო და მითხრა, რომ მოედანზე დარჩენა სურდა. ეს დამოკიდებულება მის ძლიერ ხასიათს აჩვენებს“, - თქვა სპალეტიმ.

შეგახსენებთ, რომ ხვიჩა კვარაცხელიამ სეზონისწინა მოსამზადებელ ეტაპზე 6 მატჩში 4 გოლი გაიტანა და 2 საგოლე პასი გააკეთა. „ნაპოლი“ ახალ სეზონს 15 აგვისტოს, „ვერონასთან“ მატჩით დაიწყებს.

0.105183