„ლივერპულმა“ 2022-2023 წლების სეზონი ტიტულით დაიწყო და ინგლისის სუპერთასი მოიგო. იურგენ კლოპის გუნდმა ლესტერში პრემიერლიგის ჩემპიონი „მანჩესტერ სიტი“ 3:1 დაამარცხა.

„წითლები“ 21-ე წუთზე ტრენტ ალექსანდერ-არნოლდმა დააწინაურა და ეს ანგარიში 70-ე წუთამდე შენარჩუნდა. მანამ, სანამ „სიტის“ დებიუტანტმა ხულიან ალვარესმა წონასწორობა არ აღადგინა. თუმცა, პეპ გვარდიოლას გუნდისთვის ეს საკმარისი არ გამოდგა.

83-ე წუთზე მოჰამედ სალაჰმა „ლივერპული“ ისევ წინ გაიყვანა, ხოლო მსაჯის მიერ კომპენსირებულ დროში „ლივერპულში“ ოფიციალურ მატჩებში სადებიუტო გოლი გაიტანა დარვინ ნუნიესმა და საბოლოო ანგარიში დააფიქსირა.

ამრიგად, მერსისაიდელებმა სეზონი ამაღლებულ განწყობაზე დაიწყეს, რასაც ვერ ვიტყვით „ქალაქელებზე“. პრემიერლიგის პირველ ტურში „ლივერპული“ 6 აგვისტოს „ფულჰემს“ ესტუმრება, ხოლო „მან სიტი“ 7 აგვისტოს, ასევე სტუმრად „ვესტ ჰემ იუნაიტედს“ შეხვდება.

„ლივერპული“ – „მანჩესტერ სიტი“ 3:1 (1:0)

გოლები: 1:0 ალექსანდერ-არნოლდი (21), 1:1 ალვარესი (70), 2:1 სალაჰი (83), 3:1 ნუნიესი (90)