რომში ევროპის ახალგაზრდული ჩემპიონატი იწყება. შეჯიბრებას ბერძნულ-რომაული სტილით მოჭიდავეები გახსნიან. საქართველოს 20-წლამდელთა ნაკრები კონკურენციაში სრული შემადგენლობით - 10 სპორტსმენით ჩაებმება.
27 ივნისს, ათი წონითი კატეგორიიდან ხუთში: 55, 63, 77, 87 და 130 კილოგრამებში წინასწარი ეტაპისა და ნახევარფინალური შეხვედრები გაიმართება. მედლები კი 28 და 29 ივნისს გათამაშდება.
საქართველოს ნაკრების შემადგენლობა:
55 კგ - ლუკა ჯავახაძე
60 კგ - დიმიტრი ხაჩიძე
63 კგ - რომეო ბერიძე
67 კგ - ნიკა ბროლაძე
72 კგ - თემურ ორჯონიკიძე
77 კგ - თორნიკე მიქელაძე
82 კგ - აჩიკო ბოლქვაძე
87 კგ - ბექა მელელაშვილი
97 კგ - კოტე სიჭინავა
130 კგ - მათე გოქაძე
მთავარი მწვრთნელი: რევაზ ლაშხი
მწვრთნელები: გიორგი ჯობავა, დავით ურიდია
ექიმ-რეაბილიტოლოგი: გიორგი მურცხვალაძე
ევროპის 20-წლამდელთა ჩემპიონატს ქართველი მსაჯიც მოემსახურება - რუსლან დარსანია
