ლეგენდარული იტალიელი მწვრთნელი ფაბიო კაპელო მადრიდის „რეალისა“ და „მანჩესტერ სიტის“ შეხვედრას გამოეხმაურა და თქვა, რომ ესპანელებმა დამსახურებულად მოიგეს. თუმცა, კაპელო ასევე ფიქრობს, რომ „რეალს“ გაუმართლა.

„ვნახე მადრიდის „რეალი“, რომელიც საკუთარ ძალებში დარწმუნებული იყო. მათ შექმნეს მომენტები, ვინისიუსმა ორი საოცარი მომენტები ვერ გამოიყენა, მაგრამ იღბალმა საჭირო მომენტში გაუღიმა, ანჩელოტის იღბალი ცნობილია. თუმცა, მომეწონა „რეალი“, ისინი მონდომებული თამაშობდნენ, გაუმართლათ, როცა ბურთი კარის ხაზიდან გამოიტანეს, მაგრამ ვფიქრობ, გამარჯვება დამსახურებულად მოიპოვეს.

ჩემთვის ძალიან საინტერესო ფინალი იქნება, „ლივერპული“ ძალიან სწრაფ და ვერტიკალურ ფეხბურთს თამაშობს“, - თქვა კაპელომ.

შეგახსენებთ, „ლივერპული“ და „რეალი“ ჩემპიონთა ლიგის ფინალში მესამედ შეხვდებიან. 1981 წელს „წითლებმა“ 1:0 მოიგეს, ხოლო 2018 წელს გამარჯვება „ბლანკოსმა“ მოიპოვა (3:1).