ავსტრალიის A ლიგის 23-ე ტურში ბექა მიქელთაძემ საოცარი მატჩი ჩაატარა. ქართველი ფეხბურთელის „ნიუკასლ ჯეტსი“ ბოლოადგილოსან "პერთის" შხვდა და დიდი ანგარიშით 6:1 აჯობა. ჩვენებურის ანგარიშზე კი 3 გოლი იყო.

ჩვენებურის გუნდმა ანგარიში 21-ე წუთზე გახსნა, ზუსტად 10 წუთში კი თავი ბექამაც გამოიჩინა და იმ დროისთვის ანგარიში 2:0 გახადა. დუბლის შესასრილებლად მიქელთაძეს 6 წუთი დასჭირდა და 37-ე წუთზე ანგარიშში სხვაობა სამბურთიანი გახადა.

პირველი ტაიმი 3:0 დასრულდა. მეორე ნახევარში კი საჯარიმოში ინგჰემი წააქციეს და თერთმეტმეტრიანი დაინიშნა, ბურთთან კი სწორედ ქართველი მივიდა და ჰეთ-თრიქოც შეასრულა. აღსანიშნავია ისიც, რომ სწორედ ინგჰემის პასით გაიტანა ბექამ მეორე გოლი.

23 ტურის შემდეგ „ნიუკასლ ჯეტსს“ 25 ქულა აქვს და სატურნირო ცხრილში მე-9 პოზიციაზე იმყოფება, თუმცა, უნდა აღინიშნოს, რომ მიქელთაძის გუნდს მხოლოდ 20 მატჩი აქვს ჩატარებული. თავად 24 წლის შემტევს კი ავსტრალიურ გუნდში 18 შეხვედრაში 12 გოლი დაუგროვდა.