სხვა

12:12 | 16.01.2022 | ნანახია [] - ჯერ

ზედიზედ მეორე გამარჯვებით ტოჩინოშინი თანაბარ ბალანსზე გავიდა (+VIDEO)

ქართველი სუმოისტი ლევან გორგაძე ნელ-ნელა ფორმას უბრუნდება და დღეს ზედიზედ მეორე გამარჯვება მოიპოვა. ტოჩინოშინის მეტოქე მცირეწონოსანი ტერუცუიოში იყო, რომელსაც იორიკირის ილეთით აჯობა.

მე-11 მაეგაშირას დამარცხება ჩვენებურისთვის ადვილი გამოდგა. ტოჩიმ შერკინებისთანავე უპირატესობა მოიპოვა, მეტოქის მავაშში ხელის ჩავლებას ცდილობდა, რაც ნაწილობრივ გამოუვიდა და დოჰიოს მიღმა გადაიყვანა. აღსანიშნავია, რომ ლევანი გუშინდელი ორთაბრძოლის მსგავსად იორიტაოშის გაკეთებას ცდილობდა.

ეს აღნიშნული წყვილის მე-7 დაპირისპირება იყო და ჩვენებურმა მოგება-წაგების ბალანსი შეამცირა 3:4-ზე.

ამრიგად, ტოჩინოშინს 4 მოგების წილ ამდენივე მარცხი აქვს და დადებითი ბალანსისთვის იბრძვის. ქართველ სპორტსმენს ამისთვის კიდევ 4 გამარჯვების მოპოვება სჭირდება. მისი ხვალინდელი მეტოქე კი მე-14 მაეგაშირა კოტონოვაკა იქნება, რომელსაც აქამდე 5-ჯერ შეხვდა და 3 მოიგო, 2 შეხვედრაში კი დამარცხდა.

0.11836