კიევის „დინამოს,“ „იუვენტუსისა“ და საბჭოთა კავშირის ნაკრების ლეგენდარულმა ფეხბურთელმა, ალეკსანდრ ზავაროვმა, რომელიც თავის დროზე უკრაინის ნაკრებსაც წვრთნიდა, ჟურნალისტებს აუხსნა, რატომ ვერ იმუშავა წარმატებით „ჯენოაში“ ანდრეი შევჩენკომ.
„შევჩენკოს მცირე სამწვრთნელო გამოცდილიბა აქვს. მან არ იცის როგორ უნდა იმუშაოს გუნდში. „ჯენოაში“ დანიშვნამდე მხოლოდ სანაკრებო გამოცდილება უმაგრებდა ზურგს და კლუბში განსხვავებული სიტუაცია დახვდა. ნაკერბი სხვაა და კლუბი კიდევ სხვა.
ზიდანმა თავიდან „რეალის“ ახალგაზრდულ გუნდთან დაიწყო მუშაობა და შემდეგ გახდა მთავარი მწვრთნელი. შევჩენკოს ჯერ გამოცდილება არ ჰყოფნის. ყველა საფეხურის გავლაა საჭირო: ბავშვები, ახალგაზრდები, დუბლიორები და ასე შემდეგ. ღმერთმა ქნას, ანდრეის ყველაფერი გამოუვიდეს.“ - უთხრა ზავაროვმა Championat.com-ს.
შეგახსენებთ, რომ შევჩენკომ სერია A-ს „ჯენოა“ შარშან ნოემბერში ჩაიბარა. კონტრაქტი 2024 წლამდე იყო გათვლილი.
