კალათბურთი

10:56 | 29.11.2021 | ნანახია [] - ჯერ

"გოლდენ სტეიტის" ზედიზედ მეექვსე გამარჯვება და სტეფ კარის 33 ქულა "კლიპერსთან" (+VIDEO)

„გოლდენ სტეიტი“ ბრწყინვალე ფორმაშია და ეს კიდევ ერთხელ დაამტკიცა. „უორიორზმა“ NBA-ს მორიგი მატჩი სტუმრად, ლოს ანჯელეს „კლიპერსთან“ 105:90 მოიგო.

„მეომართა“ რიგებში სტეფ კარი ისევ ბრწყინავდა, რომელმაც 35 წუთში 33 ქულა, 5 მოხსნა და 6 პასი მიითვალა. კარიმ 13-დან 7 სამქულიანი ჩააგდო და მატჩის ყველაზე შედეგიანი მოთამაშე გახდა. ორმაგი დუბლით გამოირჩა მისი თანაგუნდელი ოტო პორტერი, რომელმაც 18 ქულა და 10 მოხსნა დააგროვა.

„კლიპერსს“ პოლ ჯორჯმა 30 ქულით, 5 მოხსნით და 5 პასით ულიდერა, მაგრამ მისი გარჯა „უორიორზის“ დასამარაცხებლად საკმარისი არ იყო.

„გოლდენ სტეიტმა“ ზედიზედ მეექვსე გამარჯვება იზეიმა და დასავლეთ კონფერენციაში 18 მოგებით და 2 წაგებით ლიდერობს, 1 დეკემბერს კი, „ფინიქსს სანსს“ ესტუმრება, რომელიც ამავე კონფერენციაში მეორე ადგილზეა (17 მოგება, 3 წაგება). „კლიპერსს“ 11 გამარჯვების წილ 9 მარცხი აქვს და მეხუთე პოზიციაზეა, 30 ნოემბერს კი „ნიუ ორლეან პელიკანსს“ უმასპინძლებს.

0.136731