ინგლისის ნაკრების მთავარმა მწვრთნელმა გარეთ საუთგეიტმა საფეხბურთო ასოციაციასთან ახალი კონტრაქტი გააფორმა და „სამ ლომს“ 2024 წლის დეკემბრამდე გაწვრთნის.
საუთგეიტის ძველი ხელშეკრულება მსოფლიოს 2022 წლის ჩემპიონატის შემდეგ იწურებოდა, თუმცა მას ნდობა გამოუცხადეს და 2 წლით ხელშეკრულება გაუხანგრძლივეს.
საუთგეიტი ინგლისის ნაკრებს 2016 წლიდან წვრთნის და 2018 წლის მუნდიალზე გუნდი ნახევარფინალში (საბოლოოდ, მეოთხე ადგილი) გაიყვანა, ხოლო ევრო 2020-ზე ფინალამდე მივიდა, სადაც იტალიის ნაკრებთან პენალტების სერიაში წააგეს და ეს იყო ინგლისის ნაკრების პირველი ფინალი ბოლო 55 წლის განმავლობაში.
51 წლის სპეციალისტის ხელმძღვანელობით ინგლისმა 68 მატჩი ჩაატარა, საიდანაც 44 მოიგო, 10-ჯერ ფრე ითამაშა და 14-ჯერ დამარცხდა.
