ფეხბურთი

18:27 | 20.11.2021 | ნანახია [] - ჯერ

დავით ვოლკოვის გოლი და საგოლე პასი აზერბაიჯანის ჩემპიონატში (+VIDEO)

აზერბაიჯანის პრემიერლიგაში „ზირას“ ფორვარდმა დავით ვოლკოვმა მორიგი გოლი გაიტანა. ქართველი ფეხბურთელის გუნდმა შინ „საბაილი“ 3:1 დაამარცხა და ის მოედანზე საუკეთესო იყო.

მან სამივე საგოლე კომბინაციაში მიიღო მონაწილეობა. პირველი საგოლე შეტევა დაიწყო, შემდეგ მისმა თანაგუნდელმა გააგრძელა და ალიევმა ანგარიში გახსნა. 47-ე წუთზე დავითმა თავური დარტყმით თვითონ დალაშქრა მეტოქის კარი და სეზონში მე-9 გოლი გაიტანა, რითაც ბომბარდირთა დავას ლიდერობს, უახლოეს მდევარ ფილიპ ოზობიჩს კი 3 გოლით უსწრებს.

74-ე წუთზე ვოლკოვმა საგოლე პასიც მიითვალა და ლორის ბროგნოს ცარიელ კარში გაატანინა. მოგეხსენებათ, დავით ვოლკოვს შვედეთთან მატჩში საქართველოს ნაკრებში დებიუტი ჰქონდა, ხოლო უზბეკეთთან გამარჯვების და ეროვნულ ნაკრებში სადებიუტო გოლიც გაიტანა.

„ზირა“ 11 თამაშში მოპოვებული 19 ქულით მეორე ადგილზეა და მხოლოდ „ყარაბაღს“ ჩამორჩება (7 ქულით), მომდევნო ტურში კი 28 ნოემბერს, სტუმრად „სუმგაითს“ შეხვდება.

0.112794