ფამაგუსტას „ანორთოსისმა“ ნიქოზიის „აპოელი“ 2:1 დაამარცხა და მატჩის შემდეგ თემურ ქეცბაიამ კომენტარი გააკეთა. ქართველი სპეციალისტის თქმით, მას არ აქვს პრობლემა იმ ქართველ ფეხბურთელებთან, რომლებიც ზაფხულში „აპოელში“ გადავიდნენ.
„მე ძალიან ვამაყობ ჩემი ფეხბურთელებით. რთული კვირა გვქონდა და გამარჯვება დავიმსახურეთ, რადგან ვიყავით გუნდი, რომელსაც ეს უფრო მეტად სურდა. მადლობას ვუხდი იმ ადამიანებს, რომლებიც სტადიონზე მოვიდნენ და გუნდის გვერდით დადგნენ. კიდევ ერთი ნაბიჯი გადავდგით წინ, მაგრამ გზა გრძელია. ახლა შესვენებაა და ფეხბურთელებს დასვენებისთვის რამდენიმე დღეს მივცემთ, მაგრამ ბევრი მოთამაშე გვყავს, ვინც ნაკრებებში მიდიან და იქ ისევ ითამაშებენ. ჩვენი მიზანი ჩემპიონობაა, ფეხბურთელებმა ყველაფერი გაიღეს და მოვიგეთ.
„აპოელში“ მყოფ ქართველ ფეხბურთელებს თუ ვესაუბრე? მათთან პრობლემა არ მაქვს, არანაირი პრეტენზია. ვისაუბრეთ და სხვა დღეებშიც ვსაუბრობთ. ჩვენ ვერ დავაკმაყოფილეთ მათი მოთხოვნები და „აპოელში“ წავიდნენ. ფეხბურთი ასეთია და მათ წარმატებებს ვუსურვებ“, - თქვა ქეცბაიამ.
შეგახსენებთ, რომ „ანორთოსისს“ 4 თამაში აქვს ჩატარებული და 6 ქულა მოიპოვა, რითაც მერვე ადგილს იკავებს.
