მადრიდის „ატლეტიკოს“ მთავარმა მწვრთნელმა დიეგო სიმეონემ ლა ლიგიდან ლიონელ მესის წასვლაზე კომენტარი გააკეთა. როგორც არგენტინელმა განაცხადა, მთავარი კლუბების განვითარებაა და ლიგის ბედი რომელიმე კონკრეტულ ფეხბურთელზე არ არის დამოკიდებული.
„მესის წასვლა მნიშვნელოვანი მოვლენაა ლა ლიგისთვის და „ბარსელონასვის“. ინგლისის პრემიერლიგას არც მესი ჰყავს და არც რონალდუ, მაგრამ უაღრესად კონკურენტუნარიანი ლიგაა. ლიგის დონე დამოკიდებულია ყველა გუნდის განვითარებაზე, როგორც ეს ინგლისში მოხდა“, - თქვა სიმეონემ.
შეგახსენებთ, რომ მადრიდის „ატლეტიკო“ ლა ლიგის პირველ ტურში 15 აგვისტოს, ვიგოში, „სელტას“ დაუპირისპირდება.
