ფეხბურთი

16:42 | 14.07.2021 | ნანახია [] - ჯერ

"იუვენტუსმა" "ჩელსის" 100 მილიონზე უარი უთხრა: ფედერიკო კიეზა არ იყიდება

ტურინის „იუვენტუსისა“ და იტალიის ნაკრების ნახევარმცველის, ფედერიკო კიეზას შეძენით ლონდონის „ჩელსი“ დაინტერესდა. გერმანული Bild-ის ჟურნალისტი კრისტიან ფალკი სოციალურ ქსელში წერს, რომ ინგლისელებმა იტალიელებს თითქმის 100 მილიონი ევრო შესთავაზეს.

თუმცა, იქვე წერს, რომ „იუვენტუსმა“ „ჩელსისთან“ მოლაპარაკებების დაწყებაზე უარი თქვა. კიეზა ტურინული გრანდისთვის არ იყიდება. „ბებერი ქალბატონის“ ბოსობას გადაწყვეტილი აქვს, რომ გუნდის მომავალი კიეზას გარშემო ააშენოს და არანაირი ფინანსური წინადადება ტრანსფერთან დაკავშირებით არ განიხილება.

23 წლის იტალიელმა შემტევმა ევრო 2020 დიდებულად ჩაატარა და სიმბოლურ ნაკრებშიც მოხვდა. იტალიის ნაკრების ჩემპიონობაში კი წვლილი ორი გოლით შეიტანა.

ფედერიკო კიეზა „იუვენტუსმა“ გასულ წელს დაიმატა და შთამბეჭდავი სეზონი ჩაატარა - 43 მატჩში 14 გოლით და 12 საგოლე პასით გამოირჩა.

0.15957