ზამბიას ეროვნული ნაკრების და აწ უკვე "ზალცბურგის" ყოფილი ფეხბურთელი პატსონ დაკა კარიერას "ლესტერში" გააგრძელებს. როგორც "მელიების" ოფიციალური ვებგვერდი იუწყება, აფრიკელმა მოთამაშემ კლუბთან ხუთწლიანი კონტრაქტი გააფორმა, ინგლისელებმა კი ტრანსფერის სანაცვლოდ 23 მილიონი გირვანქა სტერლინგი გადაიხადეს.
დაკა "ზალცბურგმა" 2017 წელს "კაფუე სელტიკიდან" დაიმატა. გასულ სეზონში პატსონმა ავსტრიის ჩემპიონატში 27 გოლი გაიტანა და ბომბარდირი გახდა. ასევე, აფრიკელი კლუბის წლის საუკეთესო მოთამაშედაც აღიარეს. ეროვნულ ნაკრებში დაკა 2015 წლიდან თამაშობს და 12 შეხვედრაში შვიდი გოლი გაიტანა.
