კალათბურთი

12:36 | 23.06.2021 | ნანახია [] - ჯერ

NBA: "ფინიქს სანსის" ზედიზედ მე-9 გამარჯვება და დეანდრე ენტონის სასწაული (+VIDEO)

ნაციონალური საკალათბურთო ასოციაციის დასავლეთ კონფერენციის ფინალში „ფინიქს სანსმა“ სასწაული თამაში მოიგო და სერიაში 2:0 დაწინაურდა. მონტი უილიამსის გუნდი შეხვედრის დასრულებამდე 9 წამით ადრე 103:102 მარცხდებოდა, თუმცა, დეანდრო ენტონიმ ბოლო წამზე 2-ქულიანი ჩააგდო და საკუთარ გუნდს მოაგებინა - 104:103!

აღსანიშნავია, რომ 22 წლის ცენტრმა მთლიანობაშიც კარგი თამაში ჩაატარა. მან პარკეტზე 34:32 წუთი გაატარა, რა დროშიც 24 ქულით, 14 მოხსნითა და 1 პასით ორმაგი დუბლი გაიფორმა.

კრის პოლის არყოფნაში „ფინიქსიდან“ ყველაზე შედეგიანი კამერონ პეინი იყო. ამერიკელმა კალათბურთელმა კარიერის საუკეთესო შედეგი დააფიქსირა, სადაც 29 ქულა, 1 მოხსნა და 9 პასი მიითვალა. დამარცხებულთაგან კი 26 ქულით, 6 მოხსნითა და 6 პასით პოლ ჯორჯი გამოირჩა. აქვე გეტყვით, რომ „კლიპერს“ კვლავ კავაი ლეონარდის გარეშე მოუწია თამაში.

დეანდრო ენტონის გარდა შეხვედრაში ერთადერთი ორმაგი დუბლი 14 ქულით და 11 მოხსნთ ხორვატ იციცა ზუბაჩს ჰქონდა.

აღსანიშნავია, რომ „სანსმა“ ზედიზედ მე-9 მატჩი მოიგო, „ლოს ანჯელეს კლიპერსმა“ კი სერია კვლავ 0:2 მარცხით დაიწყო. ამ გუნდების მომდევნო დაპირისპირება კი 25 ივნისს გაიმართება.

0.113283