ჯანლუიჯი ბუფონი სეზონის დასრულების შემდეგ „იუვენტუსს“ დატოვებს, მაგრამ ჯერ უცნობია დაასრულებს თუ არა კარიერას. შედეგად, იტალიური მედია უკვე წერს იმ კლუბების შესახებ, რომელშიც შეიძლება 43 წლის მეკარე გადაბარგდეს.

ერთ-ერთი ვარიანტი კატალონიის „ბარსელონაა“. Tuttosport-ის ცნობით, ესპანური კლუბი ბუფონის მსურველთა შორისაა, მაგრამ ერთადერთი არ არის. ასევე საუბარია კიევის „დინამოს“, ლისაბონის „სპორტინგის“, პირეოსის „ოლიმპიაკოსის“, „მონაკოს“, სტამბოლის „გალათასარაის“, "ჯენოას" (რომელსაც ბავშვობაში ქომაგობდა), ფრანგული „მონაკოსა“ და MLS-ს შესახებ, ხოლო ბერგამოს "ატალანტას" 43 წლის კიპერმა უარი განუცხადა.

ჯიჯიმ BeIN Sport-ს განუცხადა, რომ 30 ივნისს „იუვეს“ დატოვებს, მაგრამ ჯერ არ იცის დაასრულებს თუ გააგრძელებს კარიერას. როგორც მან აღნიშნა, თუ ცხოვრების ახალი გამოცდილებისა და სტიმულის მომცემ წინადადებას მიიღებს, განიხილავს.

შეგახსენებთ, ჯანლუიჯი ბუფონი „იუვენტუსში“ 2001 წლიდან თამაშობდა, 2018 წელს კლუბი დატოვა, მაგრამ ერთი წლის შემდეგ უკან დაბრუნდა. „იუვეში“ ლეგენდარულ კიპერს 683 თამაში აქვს ჩატარებული და ამ კუთხით მხოლოდ ალესანდრო დელ პიეროს ჩამორჩება.