ინგლისური „მანჩესტერ სიტის“ მთავარმა მწვრთნელმა პეპ გვარდიოლამ ლონდონის „ტოტენჰემთან“ (3:0) მატჩის შემდეგ კომენტარი გააკეთა. ესპანელი სპეციალისტის განცხადებით, მისმა გუნდმა გამარჯვება დაიმსახურა.

„გამარჯვება დავიმსახურეთ, ისე ვითამაშეთ, როგორც გვინდოდა. „ტოტენჰემი“ განსაკუთრებული თვისებების გუნდია, ბოლოს სწორედ მათთან წავაგეთ და იციან როგორ შექმნან შანსი არაფრისგან. ეს არის მწვრთნელის უნარი და განსაკუთრებული მიდგომა. ჩვენ გვაქვს ჩვენი თამაშის საკუთარი სტილი, რომელსაც მივყვებით. საჭიროა ძალიან მომთმენნი და მშვიდი იყო.

ედერსონის პენალტების შესრულება? მას შეუძლია პასი გააკეთოს 60-70 მეტრის მანძილზე. აქედან გამომდინარე, ვფიქრობ, რომ პენალტიდან გოლის გატანას შეძლებს“, - თქვა გვარდიოლამ.

შეგახსენებთ, „მანჩესტერ სიტი“ ფანტასტიკურ ფორმაშია და ყვლა ტურნირზე ზედიზედ მე-16 თამაში მოიგო, ხოლო კონკრეტულად პრემიერლიგაში 11-მატჩიანი მოგებების სერია აქვს.