ფეხბურთი

20:43 | 21.01.2021 | ნანახია [] - ჯერ

დავითაშვილმა გოლი გაიტანა, არაბიძეს სადებიუტო თამაშში სუპერგოლამდე ცოტა დააკლდა (+VIDEO)

ზურიკო დავითაშვილმა 2021 წელი გოლით დაიწყო, გიორგი არაბიძეს კი „როტორში“ დებიუტი ჰქონდა. რუსული გუნდი თურქულ შეკრებაზეა და პირველი სპარინგი პოლონურ „იაგელონიასთან“ ჩაატარა.

შეხვედრა ფრედ, 1:1 დასრულდა, გოლები კი პირველ ტაიმში გავიდა. ჯერ პოლონელები იგებდნენ და შემდეგ ზურიკომ გაათანაბრა, რომელმაც მე-40 წუთზე ბურთი საჯარიმოში მიიღო და ტექნიკური დარტყმით აღადგინა წონასწორობა.

პირველ ტაიმში „როტორში“ დავითაშვილმა, სოლომონ კვირკველიამ და ნიკა ყიფიანმა ითამაშეს, მაგრამ ალექსანდრ ხაცკევიჩმა შესვენების შემდეგ შემადგენლობაში შეცვალა. შედეგად, გიოგი არაბიძეს ჰქონდა დებიუტი, მან მეორე ნახევარი ითამაშა.

არაბიძე ძალიან ახლოს გახლდათ სადებიუტო თამაშში სუპერგოლი გაეტანა, მაგრამ შორეული დარტყმა ხარიხას მოხვდა (იხილეთ ვიდეოში). მოგეხსენებათ, გიორგი რუსულ გუნდს სეზონის ბოლომდე იჯარით შეუერთდა. „როტორი“ მომდევნო ამხანაგურ მატჩს 26 იანვარს, სლოვენიური „მურას“ წინააღმდეგ ჩაატარებს.

0.154563