ერთდღიანი პაუზის შემდეგ, დღეს დაკარის რბოლა განახლდა. როგორც ჩანს, დასვენებამ კარგად იმოქმედა მოტოციკლებში მოქმედ ჩემპიონზე, ამერიკელ რიკი ბრაბეკზე, რომელმაც თავისი პირველი ეტაპი მოიგო. ავტომობილებში კი გამარჯვება საუდელმა იაზიდ ალ რაჯიმ მოიპოვა, რომელმაც უშუალო ბრძოლაში აჯობა ლიდერ სტეფან პეტერანსელს.
ისევე როგორც წინა ეტაპებზე, ამჯერადაც ნავიგაციამ შედეგებზე გავლენა იქონია. მრბოლებს ხშირად სწორედ მის გამო უწევთ გამოცნობაზე თამაში და არა რბოლა სისწრაფეზე. პრობლემები ბრაბეკსაც ჰქონდა, ვინც მარათონის პირველ ნაწილში, მეტწილად სწორედ ნავიგაციის გამო, მხოლოდ მე-13 ადგილი ეკავა. დღევანდლი გამრჯვებით კი ხუთი საფეხურით წინ წაიწია.
ლიდერობა კი ჩილელმა ხოსე იგნასიო ფლორიმომ გადაიბარა, ვინც ეტაპი მეორე ადგილზე დაასრულა. ფინიშს მესამემ ამერიკელმა სკაილერ ჰოუვსმა მიაღწია, ვინც ფლორიმოსთან მხოლოდ 12 წამი წააგო.
ალ რაჯიმ პეტერანსელს მხოლოდ 48 წამით აჯობა და თავის კარიერაში მეორედ შეძლო დაკარის ეტაპის მოგება. „ახლა მხოლოდ ის მინდა, რომ ყოველ დარჩენილ ეტაპზე კარგად ვიარო“, - განაცხადა გამარჯვებულმა.
ყატარელმა ნასერ ალ-ატიამ დაიკავა, ვინც ავტომობილების კლასიფიკაციაში მეორე ადგილს ინარჩუნებს, მეოთხე შედეგი აჩვენა. ის გამარჯვებულს 2 წუთით ჩამორჩა. პეტერანსელს გამარჯვება შეეძლო, რომ არა ფინიშამდე 4ო კილომეტრით ადრე მომხდარი შემთხვევა, რა დროსაც საბურავი დაუზიანდა, მის რემონტზე კი დრო დაკარგა. საბურავი ალ-ატიასაც დაეშვა და როგორც ფინიშის შემდეგ განაცხადა, ამის გამო სიფრთხილე უწევდა.
ეტაპი მესამე ადგილზე დაასრულა კარლოს საინსმა, ვისაც კლასიფიკაციაშიც მესამე ადგილი უკავია.
