ნიკოლოზ ბასილაშვილი კორონავირუსის პანდემიის შემდგომ განახლებულ სეზონში ძალიან ცუდ ფორმაშია. ქართველმა ჩოგბურთელმა ზედიზედ 7 მატჩი ისე წააგო, რომ სეტიც არ მოუგია.

საქართველოს საუკეთესო ჩოგბურთელმა გადაწყვეტილება მიიღო და ის მომდევნო 3 ტურნირიდან ჩაეხსნა.

მსოფლიოს 33-ე ჩოგანი იტალიაში ATP 250 ქულიან ტურნირს, რომელიც 12 ოქტომბერს იწყება, გამოტოვებს. ასევე არ გამოვა ბელგიურ ანტვერპენის ტურნირზე, რომელიც 19 ოქტომბერს აიღებს სტარტს. რაც შეეხება ნურ სულთანში გასამართ 500-ქულიან ტურნირს, ჯერჯერობით ბასილაშვილი ძირითად ბადეში ვერ ხვდება და სავარაუდოდ ვერც ყაზახეთში ვიხილავთ.