„მანჩესტერ იუნაიტედის“ ახალწვეულმა ედინსონ კავანიმ ურუგვაულ მედიასთან საუბარში განაცხადა, რომ კარიერის დასრულებას აპირებდა და ამაზე სერიოზულად ფიქრობდა.
„ცხადია, ფეხბურთიდან წასვლის იდეაზეც ვფიქრობდი. მქონდა ეს ვარიანტი და შესაძლებლობა - დამესრულებინა კარიერა და დავრჩენილიყავი სოფელში, ჩემი ცხოვრება სოფლისთვის მიმეძღვნა. ესპანეთში შვებულების დროს კორონავირუსიც მქონდა, პირველი ტესტი უარყოფითი იყო, მაგრამ მეორე ტესტის პასუხი დადებითი აღმოჩნდა“, - თქვა კავანიმ.
შეგახსენებთ, რომ კავანიმ „მანჩესტერთან“ ერთწლიანი კონტრაქტი გააფორმა და „ოლდ ტრაფორდზე“ 7-ნომრიანი მაისურით ითამაშებს.
